Уул уурхайн салбар бол Монгол улсын ДНБ-ний 30%, нийт экспортын 90% гаруйг бүлдүүлдэг эдийн засгийн тэргүүлэх салбар билээ. Энэхүү эдийн засгийн тэргүүлэх салбар болох уул уурхайн салбарт үйл ажиллагаа явуулахаар Ти Эйч майнинг ХХК нь 2015 онд байгуулагдсан. Тус компани нь уурхайн олборлолтын операторын үйлчилгээ үзүүлэхээр байгууулагдсан бөгөөд өнөөдөр сард 500,000 уулын цул хөдөлгөх хүчин чадал бүхий мэргэшсэн оператор компани болгон өргөжихийн зэрэгцээ уул уурхайн зөвлөгөө өгөх, уул уурхайн тоног төхөөрөмж худалдах, түрээслэх үйлчилгээ үзүүлж байна.

Одоо тус компани нь Өмнөговь аймгийн Гурвантэс суманд орших South Gobi Sands ХК-ийн Мандах нар нүүрсний уурхайн төслийн хөрс хуулалтын ажлын гүйцэтгэгчээр ажиллах гэрээ байгуулан ажиллаж байна.

Уул уурхайн салбарт тулгуурлан эдийн засгийн хөгжлийг эрчимжүүлэх бодлогыг төр засгаас баримталж буйтай холбоотойгоор уул уурхайн бүтээгдэхүүний экспортыг нэмэгдүүлэх, түүнд шаардлагатай дэд бүтцийг өргөтгөхөөр ажиллаж байна. Энэхүү бодлого болон уул уурхайн салбарын өсөлттэй уялдуулан компанийн зүгээс хүчин чадлаа нэмэгдүүлэхээр зорин ажиллаж байна.